HR - Ljudski Resursi - Makedonija

За прв пат бројот на невработени во Македонија падна под 100.000

Според податоците на Агенцијата за вработување бројот на невработени во јули месец изнесувал 98.976 лица од кои дури 46.291 се пријавуваат редовно како лица кои бараат работа.

Во февруари бројката на невработени била 106 илјади додека во јули таа паѓа на 98 илјади. Односно, за само неколку месеци има пад од речиси 8 илјади лица.

И кај бројот на лицата кои се водат како баратели на работа, има осцилации, и постепено намалување. Кај нив најголем број пријавени во Агенцијата имало во март и тоа 47.452, по што бројот постепено се намалувал

Според податоците на Агенцијата, најголем дел од македонските невработени се лица на возраст од 55 до 59 години. Следни се лицата кои треба да одработат уште малку за до пензија, и лицата од 50 до 54 години.